Atuarfik
Efterskole Villads Villadsen inuusuttunut atuagarsornikkut inuttullu inerikkiartorusuttunut saaffiginippoq. Ilinniartut sulisullu qanimut attaveqarnissaat pigaartipparput. Kikkut tamarmik ulluinnarni toqqissisimallutillu tikilluaqqusaanissaannut sutigut tamatigut suliniarpugut.

Efterskolimi atuagarsorneq, inuttut inerikkiartorneq piumassuseqarnerlu ulluinnarni tunngaviliisuussapput.

Efterskole Villads Villadsen-imi ilinniartutut sorpassuartigut unammillerneqassaatit. Pikkorissarnissannut atuagarsornermullu inerikkiartornissannut piumassuseqassaatit. Atuarfimmi ilinniartut tamarmik qallunaatut, tuluttut matematikkimilu ilinniartinneqassapput.
Atuarfimmi qallunaatut oqalulluni ilinniartitsisoqartassaaq. Taamaattumik allamut ilinniaqqinnginninni maani qallunaatut pikkorissinissannut periarfissaqarputit.

Ukioq atuarfiusoq naallugu liniefagit atorneqartorujussuupput. Tassa manna paasiniaalluarnissamut illillu soqutigisannut pikkorissilluarnissannut periarfissaavoq