ATUARTITSINEQ
Efterskole Villads Villadsen-imi ilinniagassat nammineq qinikkat (liniefagit) assut pingaartippagut. Taakkua ilikkarusulluinnakkavit itisilernissaannut pikkorissunngornissannullu periarfississavaatsit, pikkorissutsit naleqquttut, nutaaliorsinnaanerit teoriillu ataqatigiisinnerisigut. Ilinniagassattut nammineq qinikkat ingerlalluarukku angusaqarluassaatit. Soorlu nammineq atisaliorsinnaavutit, nittartagaliorsinnaavutit, aviisiliorsinnaavutit, qimussiussisartutut ilinniarsinnaavutit, innartortartunngorsinnaavutit, imaluunniit takornarissanut angallassisunngorsinnaavutit takornarissanik angalaqateqartarlutit.

Qallunaat oqaasii atorlugit ilinniartitsisoqartassaaq.
Ilinniartut tamarmik qallunaatut tuluttullu kiisalu matematikkimik ilinniartinneqartassapput. Karakteeriminnik pitsanngorsaarusuttunut meeqqat atuarfianni pissuseq malillugu naggataarutaasumik misilitsittoqarsinnaavoq.

Ataatsimoorussamik oqaluasaartoqartassaaq nutaarsiassaqartarluniluunniit. Ataatsimut aalasoqarlunilu timersortoqartassaaq. Efterskole Villads Villadsen-imi kikkut tamarmik peqataaffigissaanni atuarfimmi inuuneq pitsaanerpaanngortinniarlugu ataatsimut ataatsimiittoqartassaaq.

Akullerni lejrskolimut angalasassaagut.

Atuarfimmiunut tamanut ulluni arlalinni qimussernissarput apriili qaammat pilersaarusiussavarput. Sermersuup tungaanut qimusseriarluta tupissaagut.
EVV-mi imarisatigut suliasatigullu pilersaarutai