Ilusilersuineq/Eqqumiitsuliornerlu
Ilusilersuineq timimut, atortut aqqutigalugit oqariaatsimullu takuneqarsinnaasumut attuumassuteqarpoq. Ilusilersukkat misissornissaannut ilinniartinneqassaatit, paasitinneqassallutillu sooq taakku isikkumisut isikkoqarnersut.

Aammattaaq eqqumiitsulioriaatsinik assigiingitsorpassuarnik suliaqartassaatit. Soorlu qalipaaneq, titartaaneq, imilersarissanik qalipaaneq, qiperuineq, assiliartalersuineq il.il.

Kulturi attaveqatigiinerlu takussaasut fagimi tassani pingaaruteqarput, tassami inuunerpit ingerlanerani arlaleriarlutit atortangassanni fagimi assigiingitsunik ilinniartinneqassaatit.

Isumassarsiavit ineriartortinnissaannut, taakkualu piviusunngortinnissaannut ilusilersuineq aqqutigalugu suliaqarnissannut periarfissatsialaavoq. Qanoq isilluni isumassarsiatsialammik nassaartoqarsinnaava? Aamma qanoq iliorluni taanna piviusunngortinneqarsinnaava?
Ilusilersuinermi atisaliorneq sammineqarnerussaaq, tassani ilinnut atisaliornissannut periarfissaqassaatit. Imaluunniit skuuliorlutitů pequtiliorlutilluunniit?