TIKILLUARIT

Efterskole Villads Villadsen (EVV) 2009 Qasigiannguani atulerpoq Kalaallit nunaanni ukiuni kingullerni ataavartumik Efterskolit siullersaattut. Efterskolip siunertaraa meeqqat atuarfiata ilinniarfinnullu qaffasinnerusunut akunnermiliuttuunissaq.

Efterskole ilinniartunut 16-it 18-illu akornanni ukiulinnut 80- nut inissaqarpoq, meeqqallu atuarfianni naammassisimasut pingaarnertut ilinniartorisassallugit.

Efterskolip neqeroorutigai toqqarneqarsinnasut pingasut: Asimminneq/Misigisassarsiornerlu, Ilusilersuineq/Eqqumiitsuliornerlu kiisalu Attaveqatigiinneq/Qarasaasialerinerlu. Taakkulu saniatigut naliginnaasumik atuarfimmi ilinniartitsissutigineqartartut.

Efterskole Villads Villadsen inissisimavoq Qasigiannguani alianaalluinnartumi, illoqarfillumi ukiumut ataatsimut pissanganartumut nunarpullu tamakkerlugu nutaanik ikinngutitaarfiusumut sunniuteqaqataavoq.

Efterskole Villads Villadsen-imi atuarneq periarfissatsialaavoq atuartitaanermut pissanganartumut nutaanillu eqqarsarfiusumut ataatsimoorluni toqqissisimasumik misigisaqarnissamut.

Nittartagaq alakkaruk. Ilinnut soqutiginarnersoq paasiniaaffigiuk. Apeqqutissaqaruit atuarfimmut attaveqarlutit sukumiinerusumik paasiniaasinnaavutit.

Inussiarnersumik ilassinnilluta

Efterskole Villads Villadsen
Qinnuteqarfissaq
ATORFIIT INUTTARSSARSIUKKAT